Noche d'inviernu n'Asturies

Nesta noche d'inviernu y xelada busco'l calor de la cafeteria del pueblu. La xente fala de la vida de los otros, d'un mundu de persones conocíes, de amores y pelees, de pasaos y presentes.


El Barsa mete un gol y el ruidu espanta los gurriones que se acurruquen nos teyaos pa escapar de los dientes de la ñeve. Nun puedo volver a dormir contigo, dícesmi nun sms concisu y directu como un tiru de gracia.


Marcho pa casa por calles que ya fai tiempu que tan desiertes. Cierro los güeyos. El mio corazón, que un día quiso tastiar el paladar del mundu, ye ahora el país más derrotáu.